|
9.2. ფინანსური ანგარიშგების მომზადება
საცდელი ბალანსის მომზადების, მისი დებეტისა და კრედიტის ჯამის ტოლობის მიღების შემდეგ, მზადდება ფინანსური ანგარიშგება. კერძოდ, ანგარიშგება მოგებისა და ზარალის შესახებ; ანგარიშგება კაპიტალის მოძრაობის შესახებ და ბალანსი. ანგარიშგება მოგებისა და ზარალის შესახებ და ანგარიშგება კაპიტალის მოძრაობის შესახებ ასახავს დროის გარკვეული პერიოდის, მოცემული მაგალითის მიხედვით, 2006 წლის ივლისის თვის შესაბამის ინფორმაციას, ხოლო ბალანსი - ინფორმაციას დროის გარკვეული მომენტისათვის, მოცემულ შემთხვევაში 2006 წლის 31 ივლისისათვის. იმის გამო, რომ საცდელი ბალანსი უკვე მომზადებულია, ხოლო ფინანსურ ანგარიშგებაში ინფორმაცია საცდელი ბალანსიდან გადაიტანება, ამ უკანასკნელში ანგარიშების დასახელება და შესაბამისი სალდოები საცდელი ბალანსის თანმიმდევრობით აისახება. თუმცა, ეს სავალდებულო მოთხოვნა არ არის და საწარმოებს შეუძლიათ საკუთარი შეხედულებისამებრ შეცვალონ ფინანსურ ანგარიშგებაში მაჩვენებელთა ჩამონათვალი, შესაბამისი სტანდარტის მოთხოვნის დაცვით, ე. ი. ცალკეული ანგარიშგებისათვის განსაზღვრული სტრუქტურის ფარგლებში. ანგარიშგება მოგებისა და ზარალის შესახებ განსაზღვრავს წმინდა მოგებას (ზარალს). წმინდა მოგება, მოგება/ზარალის ანგარიშგებიდან გადაიტანება ანგარიშგებაში კაპიტალის მოძრაობის შესახებ. რაც შეეხება კაპიტალს, მისი სალდო საანგარიშგებო პერიოდის ბოლოსათვის, ასახულია როგორც ანგარიშგებაში კაპიტალის მოძრაობის შესახებ, ისე ბალანსში. შ.პ.ს. "ელ&ელ" ანგარიშგება მოგებისა და ზარალის შესახებ ივლისი, 2008 წ.
შ.პ.ს. "ელ&ელ" ანგარიშგება კაპიტალის მოძრაობის შესახებ ივლისი, 2008 წ.
შ.პ.ს. "ელ&ელ" ბალანსი 31 ივლისი, 2008 წ.
|