6.2.5. მართვის ელემენტები, რომლებშიც მონაცემები გამოიტანება სიის სახით
ASP.NET-ში გამოიყენება მართვის 8 ელემენტი მართვის ელემენტში მონაცემების სიის სახით გამოსატანად.
1. Select (System.Web.UI.HTMLControls.HTMLSelect) – იქმნება სტანდარტული HTML სია;
2. ListBox (System.Web.UI.WebControls.ListBox) – ამ ელემენტითაც იქმნება სტანდარტული HTML სია. იგი VBA და VB-ში არსებული ListBox-ის ანალოგიურია;
3. DropDownList (System.Web.UI.WebControls. DropDownList) – ამ ელემენტითაც სტანდარტული HTML სია იქმნება. იგი ანალოგიურია VBA-ში და VB-ში არსებული ComboBox-ის;
4. CheckBoxList (System.Web.UI.WebControls. Check-BoxList) – ამ ელემენტით იქმნება სტანდარტული HTML სია. სიის ერთი ელემენტი – ერთი CheckBox შეესაბამება მონაცემების წყაროდან მოძებნილ ერთ სტრიქონს. ჩვენ ვიღებთ მოძებნილი მონაცემების სიას CheckBox-ის სახით;
5. RadioButtonList (System.Web.UI.WebControls. RadioButtonList) – ამ ელემენტით იქმნება სტანდარტული HTML სია. სიის ერთი ელემენტი შეესაბამება, ანუ ერთი RadioButton შეესაბამება მონაცემების წყაროდან მოძებნილ ერთ სტრიქონს. ჩვენ ვიღებთ მოძებნილი მონაცემების სიას RadioButton-ის სახით. აქ სისტემა RadioButton-ების ჯგუფისთვის აყენებს HTML ატრიბუტს GroupName. ამრიგად, RadioButton-ები შეიძლება გავაერთიანოთ ჯგუფში და მათი ჩართვა/გამორთვა ერთმანეთთან დავაკავშიროთ;
6. Repaiter (System.Web.UI.WebControls.Repaiter) – გაჩუმებით ეს ელემენტი ფორმაზე უხილავია. იგი იმეორებს მართვის სხვა ელემენტში არსებულ მონაცემებს;
7. DataList (System.Web.UI.WebControls.DataList) – ამ ელემენტით მოძებნილი მონაცემები გამოიტანება ცხრილის სახით. შეიძლება მონაცემების დამუშავება ვერტიკალურად და ჰორიზონტალურად;
8. DataGrid (System.Web.UI.WebControls.DataGrid) – ეს სრულფუნქციონალური მართვის ელემენტია, რომელშიც მონაცემები გამოიტანება ბადის სახით. იგი ორიენტირებულია მონაცემების ობიექტებში DataView-თან, DataSet-თან, DataReader-თან ან კოლექციებში არსებულ მონაცემებთან სამუშაოდ. მართვის ელემენტში მიღებული ინფორმაცია HTML ცხრილის ანალოგიურია. აქ შეიძლება მონაცემების დახარისხება და სხვა ოპერაციების შესრულება.
9. GridView (System.Web.UI.WebControls. GridView) – DataGrid-ის ანალოგიურად სრულფუნქციონალური მართვის ელემენტია, რომელშიც მონაცემები გამოიტანება ბადის სახით. DataGrid-ისგან განსხვავებით ყველა ოპერაციის (ბაზიდან მონაცემების ამორჩევა, ცვლილებების შეტანა ბაზაში, მონაცემების დახარისხება მართვის ელემენტში) შესრულება ვიზუალური დაპროექტების რეჟიმში ხორციელდება მომხმარებლის მიერ პროგრამული კოდის შექმნის გარეშე.
აქ ჩამოთვლილი მართვის ელემენტებიდან დაწვრილებით განვიხილავთ მართვის ელემენტებს DataGrid და GridView.
მართვის ელემენტების მონაცემების წყაროსთან იტერაციული დაკავშირების თვისებები/ცხრ. 6.3./
ცხრილი 6.3.
თვისება |
აღწერა |
DataTextField |
გვიჩვენებს მართვის ელემენტში გამოსატანი მონაცემების წყაროში არსებული ველის ან სვეტის ტექსტურ მნიშვნელობას. მაგ., CheckBox-ის ან RadioButton-ის დასახელებები |
DataValueField |
გვიჩვენებს მართვის ელემენტში გამოსატანი მონაცემების წყაროში არსებული ველის ან სვეტის Value-ს ტიპის მნიშვნელობას |
DataTextFormatString |
ველს ან სვეტს მიეცემა ფორმატიზაციის ატრიბუტები |
DataMember |
შეიცავს მართვის ელემენტთან დასაკავშირებელი სტრიქონების ერთობლიობას. მაგ., ცხრილის სახელი DataSet ობიქტთან დაკავშირების დროს |
მართვის ელემენტების მონაცემების წყაროსთან იტერაციული დაკავშირების მეთოდები/ცხრ. 6.4/
ცხრილი 6.4.
თვისება |
აღწერა |
DataBind |
მართვის ელემენტში იწერება წყაროდან მოძებნილი მონაცემები |
FindControl |
ამ თვისების გამოყენება ეფექტურია მაშინ, როცა საჭიროა შემოწმებულ იქნეს მონაცემების მნიშვნელობა სხვა ელემენტში. როგორც წესი, ეს თვისება გამოიყენება DataBinding მოვლენისთვის |
მართვის ელემენტების მონაცემების წყაროსთან იტერაციული დაკავშირების მოვლენები /ცხრ. 6.5/
ცხრილი 6.5
თვისება |
აღწერა |
DataBinding |
გენერირდება DataBind მეთოდით მართვის ელემენტის ნებისმიერ სტრიქონში მონაცემების ჩაწერის დროს |
SelectedIndexChanged |
გენერირდება ამორჩეული ელემენტის ცვლილების და გვერდის სერვერზე გაგზავნის დროს |