2.1.1. დათვალიერების რეჟიმი FrontPage-ს აქვს Web-კვანძის დათვალიერების ექვსი რეჟიმი. ეს ღილაკები განთავსებულია ინსტრუმენტულ პანელზე. · Page (გვერდი) გვერდის რედაქტირება. ამ რეჟიმში შესაძლებელია ნებისმიერი კვანძის გვერდის შინაარსის შეცვლა, მისი გაფორმების პარამეტრების დაყენება და გვერდის შესაბამისი HTML კოდის დათვალიერება; · Folders (საქაღალდეები) ჩამოთვლილია საქაღალდეებისა და Web-კვანძის ფაილების სია, მათი დაწვრილებითი მახასიათებლებით; · Reports (ანგარიშგება) სტატისტიკური ინფორმაცია კვანძებისა და მათი ცალკეული კომპონენტების შესახებ; · Navigation (გადასვლები) Web-კვანძის სტრუქტურის რედაქტორი, რომელსაც საშუალება აქვს შეცვალოს კავშირები გრაფიკულ რეჟიმში; · Hyperlinks (ჰიპერგადასვლები) Web-კვანძის გვერდების სია და მონიშნული გვერდების ჰიპერგადასვლების სქემა; · Tasks (ამოცანები) განსაზღვრულ ფაილებთან დაკავშირებულ ამოცანათა სია, რომელთა შესრულება აუცილებელია კვანძის შექმნის დასრულებისათვის. რეჟიმების გადართვა შეიძლება როგორც მენიუ View-ის ბრძანებებით, ასევე FrontPage-ის ფანჯრის მარცხენა მხარეს მდებარე რეჟიმების პანელის ღილაკებზე დაწკაპუნებით. Web-კვანძის პროგრამა ოსტატის" მიერ შექმნილი ფაილების სიის დასათვალიერებლად დააწკაპუნეთ რეჟიმების პანელზე მდებარე ღილაკზე Folders. FrontPage ფანჯარა გაიყოფა ორ ნაწილად /სურ. 2.5/. ფანჯრის მარცხენა მხარეს მოთავსებულია ყველა იმ საქაღალდის სია, რომელიც მდებარეობს საქაღალდეში My Documents, მარჯვენა მხარეს კი კვანძის ძირითადი საქაღალდის ფაილების პიქტოგრამები. Web-კვანძში გამოყენებულ გამოსახულებათა სიის დასათვალიერებლად დააწკაპუნეთ საქაღალდე images-ის პიქტოგრამაზე: · ორჯერ დააწკაპუნეთ ფაილზე smallnsw.gif. FrontPage გაუშვებს პროგრამას, რომელიც განკუთვნილია GIF ფორმატში ფაილების დასათვალიერებლად და გახსნის ამ საქაღალდეში სასურველ ფაილს; დაათვალიერეთ პროგრამა ოსტატის" მიერ ამორჩეული პიქტოგრამა და დახურეთ პროგრამა. |
სურ. 2. 5. საქაღალდეების დათვალიერების რეჟიმი · წინა საქაღალდეში დასაბრუნებლად ფაილების სიის პანელში დააწკაპუნეთ თაგუნას მარჯვენა ღილაკით და კონტექსტურ მენიუში აირჩიეთ ბრძანება Up One Level; · მიეცით ბრძანება File > New > Folder. საქაღალდეების სიაში გამოჩნდება ახალი საქაღალდის პიქტოგრამა წარწერით New Folder. დააწკაპუნეთ თაგუნას მარჯვენა ღილაკით და კონტექსტურ მენიუში მიეცით ბრძანება Rename; · შეიტანეთ ტექსტი დამატებები. ეს იქნება ახალი საქაღალდის სახელი; · ახალი საქაღალდის გასახსნელად საქაღალდეების სიაში დააწკაპუნეთ პიქტოგრამაზე დამატებები; · დააწკაპუნეთ ფაილთა ცარიელ სიაში თაგუნას მარჯვენა ღილაკით და მიეცით ბრძანება New Page; · ახლად შექმნილ Web-გვერდს დაარქვით სახელი- cnobari. htm"; · დააწკაპუნეთ პიქტოგრამაზე cnobari.htm. მიეცით ბრძანება File> New> Task; · გამოვა დიალოგური ფანჯარა. ველში Task Name ჩაწერეთ ტექსტი New> Page and Links/სურ. 2.6/; |
სურ. 2. 6. ამოცანის დამატება · კლავიატურაზე დააჭირეთ ღილაკს Tab და ჩაწერეთ ამოცანის შემსრულებლის სახელი; · ველში Description ჩაწერეთ ტექსტი, მაგალითად, საკვები პროდუქტების მწარმოებელი კომპანიის ცნობარის, გვერდისა და ცხრილის აღწერა; · დააწკაპუნეთ ღილაკზე ОК; · მიეცით ბრძანება View > Tasks. ოპერაციათა სიაში გამოჩნდება ახლად დამატებული ამოცანა სტატუსით Not Started. |