2.1.9. funqcia IPMT _ კონკრეტულ პერიოდში გადასახდელი სარგებლის თანხის გამოანგარიშება

ამ ფუნქციით გამოითვლება კონკრეტული პერიოდისთვის გადასახდელი სარგებლის თანხა მოცემულ პერიოდში მუდმივი საპროცენტო განაკვეთის შემთხვევაში. სესხის თანაბარი დაფარვისას მუდმივი, პერიოდულად ასანაზღაურებელი თანხა წარმოადგენს გადასახდელი თანხის, სარგებლის თანხის და ჯერ კიდევ დაუფარავი სესხის ნაწილის სარგებლის თანხის ჯამს. ცხადია, დაუფარავი სესხი მცირდება და შესაბამისად მცირდება გადასახდელის სარგებელიც. ამასთან, გადახდილ თანხაში იზრდება დაუფარავი სესხის (ძირითადი თანხის) წილი.

ფუნქციის ჩაწერის სინტაქსი ასეთია:

=IPMT(rate,per, nper,pv,fv,Type).

აქ  per ანაზღაურების პერიოდის ნომერია.

ამოცანა

ბანკმა 8000 ლარი გასცა 3 თვით 13%-იანი წლიური განაკვეთით. გამოვთვალოთ ყოველთვიურად გადასახდელი სარგებლის თანხა.

ამოხსნა

მოცემულია – საპროცენტო განაკვეთი წელიწადში RATE=13%;

  პერიოდების რაოდენობა NPER=3;

  საწყისი თანხა PV=8000.

IPMT შემდეგნაირად ჩაიწერება:

=IPMT(13%12,1,3,8000) _ პირველი პერიოდისთვის;

=IPMT(13%12,2,3,8000) – მეორე პერიოდისთვის; =IPMT(13%12,3,3,8000) _ მესამე პერიოდისთვის.

ამოხსნის შედეგად მივიღებთ, რომ გადასახდელი სარგებლის თანხა შეადგენს: პირველი პერიოდის შემდეგ 86,09 ლარს, მეორე პერიოდის შემდეგ 58,09 ლარს და მესამე პერიოდის შემდეგ 29,2 ლარს.