2.1.4. ფუნქცია Pmt _ პერიოდულად შესატანი თანხის გაანგარიშება

Pmt  ფუნქციით გამოთვლილ თანხაში შედის ძირითადი თანხა და სარგებელი.

ზოგადად ფუნქციის ჩაწერის სინტაქსი ასეთია: =PMT(RATE,NPER,PV,FV,type).           

განვიხილოთ ფუნქციის გამოყენების ორი ვარიანტი.

ვარიანტი პირველი:

·        დარიცხვები გარკვეული პერიოდულობით ხორციელდება Nper>0;

·        თანხის სიდიდე სესხით სარგებლობის ბოლოს FV>0;

·        საწყისი თანხა ცნობილია PV>0 ან PV=0;

·        საპროცენტო განაკვეთი  RATE>0;

·        ანაზღაურება (დარიცხვა, დაბანდება) ხორციელდება პერიოდის ბოლოს Type=0;

საჭიროა გამოვიანგარიშოთ პერიოდულად დასაბანდებელი თანხა.

Pmt 1.1.-დან გამოიანგარიშება ფორმულით:

.                                                                 1.6

ამ შემთხვევაში Pmt ფუნქციის ჩაწერის სინტაქსი ასეთია: =Pmt(rate,nper,,fv), თუ PV=0.

ამოცანა

გვსურს, პერიოდულად დავაბანდოთ გარკვეული თანხა ისე, რომ  სამი წლის შემდეგ გვქონდეს 6000 ლარი. როგორი უნდა იყოს ყოველთვიური დაბანდების სიდიდე, თუ წელიწადში მოსალოდნელია დაბანდებული თანხის 15%-ანი ზრდა.

ამოხსნა

მოცემულია – საპროცენტო განაკვეთი წელიწადში RATE = 15%, ანუ თვეში 1,6%;

  საბოლოო თანხა FV= 6000 ლარი;

     Type=0;

     საერთო ვადა – სამი წელი, ანუ პერიოდების რიცხვი NPER= 3*12;

ამ ამოცანისთვის Pmt ფუნქცია ასე ჩაიწერება:  =PMT(15%/12,3*12,,6000).

ამოხსნის შედეგად მივიღებთ, რომ ყოველთვიურად დაბანდებულ უნდა იქნეს 133 ლარი.

ამოცანა

ბანკი აპირებს ფირმას მისცეს სესხი 100000 ლარი ექვსი თვით, წელიწადში 15%-ანი დარიცხვით. საკრედიტო ხელშეკრულების თანახმად, სესხის დაფარვა ხორციელდება ყოველთვიურად, დაწყებული პირველი თვის ბოლოდან. ბანკი პროცენტებს დაარიცხავს თვის ბოლოს. რა რაოდენობის თანხა უნდა იქნეს შეტანილი ბანკში ყოველთვიურად?

ამოხსნა

მოცემულია – საპროცენტო განაკვეთი წელიწადში RATE=15%, ანუ  თვეში 1,6%;

     საბოლოო თანხა FV = 100000 ლარი;

     დარიცხვები პერიოდის ბოლოს ხორციელდება;

     საერთო ვადა – ექვსი თვე, ანუ პერიოდების რიცხვი NPER=6;

ამ ამოცანისთვის PMT ფუნქცია ასე ჩაიწერება: =PMT(15%/12,6,,100000).

ამოხსნის შედეგად მივიღებთ, რომ სესხის დასაფარავად ყოველთვიურად შეტანილ უნდა იქნეს 16153,38 ლარი.

ვარიანტი მეორე:

·        დარიცხვები გარკვეული პერიოდულობით ხორციელდება Nper>0;

·        თანხის სიდიდე სესხით სარგებლობის ბოლოს FV>0;

·        საწყისი თანხა ცნობილია PV>0 ან PV=0;

·        საპროცენტო განაკვეთი RATE>0;

·        ანაზღაურება (დარიცხვა, დაბანდება) ხორციელდება პერიოდის დასაწყისში Type=1;

Pmt 1.1.-დან გამოიანგარიშება ფორმულით:

.                                                              1.7

ამ შემთხვევაში Pmt ფუნქციის ჩაწერის სინტაქსი ასეთია: =Pmt(rate,nper,,fv,1),  თუ PV=0.

ამოცანა

ფირმას სურს, კომერციული საქმიანობის შედეგად ექვსი თვის შემდეგ მიიღოს შემოსავალი 100000 ლარი. რა რაოდენობის თანხა უნდა დააბანდოს ფირმამ ყოველთვიურად, თუ ყოველი თვის ბოლოს, დაწყებული პირველი თვის ბოლოდან, იგი ვარაუდობს შემოსავლის 15%-იან ზრდას.

ამოხსნა

მოცემულია – საპროცენტო განაკვეთი თვეში  RATE= 15%;

     საბოლოო თანხა FV = 100000 ლარი;

     შემოსავლის ზრდა ხორციელდება პერიოდის ბოლოს;

     საერთო ვადა ექვსი თვე, ანუ პერიოდების რიცხვი  NPER=6;

ამ ამოცანისთვის Pmt ფუნქცია ასე ჩაიწერება:  =PMT(15%,6,,100000).

ამოხსნის შედეგად მივიღებთ, რომ დასახული მიზნის მისაღწევად ყოველთვიურად დაბანდებულ უნდა იქნეს 11423,69 ლარი.