2.2.1. ფუნქცია SLN _ ამორტიზაციის გამოანგარიშება წრფივი მეთოდით ამ ფუნქციით ამორტიზაციის გამოთვლა ხდება ე.წ. წრფივი მეთოდით. ფუნქციის ჩაწერის სინტაქსი ასეთია: =SLN(cost,salvage,life). ამოცანა ვთქვათ, დაზგის საბალანსო ღირებულება 1500 ლარია. მისი ექსპლუატაციის ვადა – 6 წელი, ხოლო სალიკვიდაციო ღირებულება – 200 ლარია. გამოვთვალოთ ამორტიზაციის თანხა (ღირებულება). ამოხსნა მოცემულია – საბალანსო ღირებულება cost=1500 ლარი; სალიკვიდაციო ღირებულება salvage=200 ლარი; ექსპლუატაციის ვადა life=6 წელი. ამ შემთხვევაში სალიკვიდაციო ღირებულება, ანუ ღირებულება ექსპლუატაციის ვადის გასვლის შემდეგ, არის ამ დაზგის ჯართად რეალიზაციის ღირებულება. ფუნქცია SLN ასე ჩაიწერება: =SLN(1500,200,6). ამოხსნის შედეგად მივიღებთ, რომ ერთი წლის ამორტიზაციის თანხა შეადგენს 216,66 ლარს.
|