2.1.8. ფუნქცია NPV _ შემოსავლების წმინდა დისკონტირებული ღირებულების გამოანგარიშება

ამ ფუნქციით გამოითვლება შემოსავლების წმინდა დისკონტირებული ღირებულება.

NPV გამოიანგარიშება ფორმულით:

,                                                             1.11

სადაც n შემოსავლების და გასავლების რაოდენობაა;

r – დისკონტირების ნორმა;

value _ შემოსავლების და გასავლების მნიშვნელობები.

ფუნქციის ჩაწერის სინტაქსი ასეთია:

=NPV(rate,value1,value2,…,value30).

ფუნქცია NPV განსხვავდება FV  ფუნქციისგან. კერძოდ:

·        FV გულისხმობს, რომ შემოსავალი პერიოდულად მუდმივი სიდიდეა, NPV ფუნქციაში კი შემოსავალთა მნიშვნელობები ცვლადია;

·        FV ფუნქციით შესაძლებელია გადასახდელები გავითვალისწინოთ პერიოდის დასაწყისში ან პერიოდის ბოლოს, NPV ფუნქციით კი ყველა გადასახდელი პროპორციულად ნაწილდება პერიოდებში და გადახდა პერიოდის ბოლოს ხორციელდება.

NPV ფუნქციით სარგებლობისას ინვესტიციის სიდიდე აკლდება პერიოდის შემოსავალს და ეს თანხა იწერება არგუმენტის, "ანაზღაურების თანხა1", მნიშვნელობაში.

წმინდა ღირებულების გამოთვლის მეთოდი გამოიყენება ინვესტირების ეფექტურობის შესაფასებლად. იგი საშუალებას გვაძლევს, განვსაზღვროთ მოგების ქვედა ზღვარი. ამასთან, NPV>0 ინვესტორს უჩვენებს წმინდა მოგებას, რომელსაც იგი მიიღებს ყველა ხარჯის დაფარვის შემდეგ.

ამოცანა

ინვესტიციის თანხა 250000 ლარია. შემოსავალი იზრდება 15%-ით. პირველი პერიოდის შემდეგ შემოსავალი არ იყო. დავუშვათ, შემდეგ პერიოდებში შემოსავლები შესაბამისად ტოლია 95000, 140000, 185000 ლარის. ეფექტურია თუ არა ასეთი ინვესტირება?

ამოხსნა

მოცემულია – მოგების პროცენტი RATE=15%;

         Value1=-250000;

         Value2=95000;

         Value3=140000;

         Value4=185000;

NPV შემდეგნაირად ჩაიწერება:

=NPV(15%,-250000,95000,140000,185000).

ამოხსნის შედეგად მივიღებთ, რომ ამოცანის პირობებით ინვესტორი დაბანდებული თანხის ამოღების შემდეგ დამატეbiT miiRebs 52269 lars.