ამოცანა _ მოსალოდნელი შემოსავლებ

ამოცანა – მოსალოდნელი შემოსავლების გაანგარიშება ცვლადი საპროცენტო განაკვეთების შემთხვევაში

დავუშვათ, კომერციული საქმიანობისთვის საწყისი კაპიტალი 5 ათასი ლარია. შემოსავალი იზრდება რთული პროცენტების სქემით. კომერციული საქმიანობის ხანგრძლივობაა 5 დღე (პერიოდების რაოდენობა ხუთია). ყოველი პერიოდის ბოლოს მოსალოდნელია შემოსავლის ზრდა განსხვავებული პროცენტებით. ჩვენთვის ცნობილია შემოსავლის ზრდის პროცენტების მინიმალური და მაქსიმალური მნიშვნელობები. საჭიროა გამოვიანგარიშოთ მოსალოდნელი შემოსავალი.

ამ ტიპის ამოცანა ამოვხსნათ Solver-ით FVSCHEDULE ფუნქციის გამოყენებით.

მოც: ინვესტიცია Principal=5 ათასი ლარი

პროცენტი1 Pro1_min, Pro1_max;

პროცენტი2 Pro2_min, Pro2_max;

პროცენტი3 Pro3_min, Pro3_max;

პროცენტი4 Pro4_min, Pro4_max;

პროცენტი5 Pro5_min, Pro5_max.

დავაპროექტოთ ცხრილი და ჩავწეროთ მასში საწყისი მონაცემები/ცხრ. 2.9/.

ცხრილი 2.9

მოსალოდნელი შემოსავალის გაანგარიშება ცვლადი საპროცენტო განაკვეთების შემთხვევაში
უცნობები	Min	Max	მოძებნილი მნიშვნელობები	მოსალოდნელი შემოსავალი სარგებლის ჩათვლით
investicia	5000	5000		=FVSCHEDULE(D2,D3:D7)
procenti1	4%	7%
procenti2	3%	6%
procenti3	5%	7%
procenti4	2%	6%
procenti5	3%	5%

გაანგარიშების შედეგად მივიღებთ, რომ მაქსიმალური შემოსავალი 6753.65 ლარია, ხოლო მინიმალური – 5908.36 ლარი. რეალობაში შეგვიძლია ვიმსჯელოთ მოსალოდნელ შემოსავალზე, რომელიც მოთავსებული იქნება მინიმალურ და მაქსიმალურ მნიშვნელობებს შორის. მაგალითად, რა პირობებშია მოსალოდნელი 6200 ლარის მიღება? გაანგარიშების შედეგები მოცემულია ცხრილში/2.10/:

ცხრილი 2.10

მოსალოდნელი შემოსავალის გაანგარიშება ცვლადი საპროცენტო განაკვეთების შემთხვევაში
უცნობები	Min	Max	მოძებნილი მნიშვნელობები	მოსალოდნელი შემოსავალი სარგებლის ჩათვლით
ინვესტიცია	5000	5000	5000	6200
პროცენტი1	4%	7%	5%
პროცენტი2	3%	6%	4%
პროცენტი3	5%	7%	6%
პროცენტი4	2%	6%	3%
პროცენტი5	3%	5%	4%

პირველი ამოცანის მაგალითზე განვიხილოთ Solver-ით მიღებული ანგარიშების სტრუქტურა და შინაარსი.