1.3.7. ფასიანი ქაღალდების რისკის გაანგარიშების ფუნქციები 1.3.23. ფუნქცია DURATION _ კუპონის პროცენტების პერიოდული ანაზღაურებისას ფასიანი ქაღალდების მოქმედების ხანგრძლივობის გამოანგარიშება ამ ფუნქციით გამოითვლება პროცენტების პერიოდული ანაზღაურების მქონე ფასიანი ქაღალდების მოქმედების ხანგრძლივობა. ფუნქციის ჩაწერის სინტაქსი ასეთია: =DURATION(settlement, naturity, coupon, yId, frequency, basis), ანუ =DURATION(შეძენის თარიღი, დაფარვის თარიღი, კუპონი, შემოსავალი, დაფარვა, პერიოდულობა, ბაზა). ამოცანა ობლიგაცია შეძენილია 5.06.98 წელს, დაფარვის თარიღია 5.12.98 წელი, კუპონის საპროცენტო განაკვეთია 9%, წლიური საპროცენტო განაკვეთი კი 21%. კუპონების ანაზღაურება ხორციელდება წელიწადში 4-ჯერ. გამოვთვალოთ ობლიგაციის მოქმედების ხანგრძლივობა. ამოხსნა მოცემულია – შეძენის თარიღი Settlement = 5.06.98; დაფარვის თარიღი Naturity = 5.12.98; კუპონის პროცენტი Coupon = 9%; წლიური პროცენტი YId = 21%; დაფარვის სიხშირე Frequency = 4; ბაზა Basis = 1. ამ შემთხვევაში DURATION ფუნქცია ასე ჩაიწერება: =DURATION("5.06.98","5.12.98", 9%,21%,4,1). ამოხსნის შედეგად მივიღებთ, რომ ობლიგაციის მოქმედების ვადა შეადგენს 0,49 წელს, ანუ 176 დღეს. 1.3.24. ფუნქცია MDURATION _ კუპონის პროცენტების პერიოდული ანაზღაურებისას ფასიანი ქაღალდების მოქმედ-ების მოდიფიცირებული ხანგრძლივობის გამოანგარიშება ამ ფუნქციით გამოითვლება იმ ფასიანი ქაღალდების მოქმედების ხანგრძლივობა, რომელთა ნომინალური ღირებულებაა 100 ლარი და პროცენტების ანაზღაურება პერიოდულად ხორციელდება. ფუნქციის ჩაწერის სინტაქსი ასეთია: =MDURATION(settlement, naturity, coupon, YId, frequency, basis), ანუ =MDURATION(შეძენის თარიღი, დაფარვის თარიღი, კუპონი, შემოსავალი, დაფარვა, პერიოდულობა, ბაზა). ამოცანა ობლიგაცია შეძენილია 5.06.98 წელს, დაფარვის თარიღია 5.12.98 წელი კუპონის საპროცენტო განაკვეთია 9%, წლიური საპროცენტო განაკვეთი კი 21%. კუპონების ანაზღაურება ხორციელდება წელიწადში 4-ჯერ. გამოვთვალოთ ობლიგაციის მოქმედების დრო. ამოხსნა მოცემულია – შეძენის თარიღი Settlement = 5.06.98; დაფარვის თარიღი Naturity = 5.12.98; კუპონის პროცენტი Coupon = 9%; წლიური პროცენტი YId = 21%; დაფარვის სიხშირე Frequency = 4; ბაზა Basis = 1. MDURATION ფუნქცია ასე ჩაიწერება: =MDURATION("5.06.98","5.12.98", 9%,21%,4,1). ამოხსნის შედეგად მივიღებთ, რომ ობლიგაციის მოქმედების ხანგრძლივობაა 0,47 წელი, ანუ 169 დღე (წელიწადში 360 დღე). |